O ano pasado conseguiu desenvolver unha aplicación gratuíta que lle permite aos móbiles co sistema operativo Android «entender o galego», e ese traballo valeulle o seu primeiro recoñecemento.
A Axencia para a Modernización Tecnolóxica de Galicia
(Amtega) escolleu o teclado dixital creado por un equipo formado polas
empresas FAZ e Cilenis, xurdidas ao abeiro da Universidade de Santiago
de Compostela. Xa había unha base lingüística e o que fixo Álvaro
Ordóñez foi desenvolver a parte informática, e fíxoo utilizando software
libre: «Facer un teclado partindo de cero cos nosos medios sería
imposible, e o que fixemos foi usar as solucións que xa había
introducindo modificacións para que o programa entendera o galego».
O resultado foi o primeiro teclado en galego gratuíto
para Android, un carro ao que ao pouco tempo se subiu Google lanzando a
súa propia aplicación. Pero, a diferenza do deseñado polo buscador, o
programa «feito na terra» non só utiliza o galego, tamén corrixe a
ortografía e os erros máis frecuentes, e inclúe terminacións verbais ben
conxugadas. Outra das súas vantaxes é o texto preditivo: «O teclado vai
aprendendo e canto máis se utilice máis palabras recoñece». Facer isto
non estivo exento de dificultades e, de feito, aínda falta moito por
facer porque o galego «é un idioma moi rico» e construcións coma os
diminutivos ou os pronomes de solidariedade supoñen unha complicación
engadida.
(Continúa e La Voz)
Pode que esta sexa a forma de iniciar a ligazón entre o galego e a informática, que ate agora era prácticamente nula, utilizando sempre o castelán á hora de manexar un navegador, pero ter este teclado de forma predeterminada quizá anime a xente a darlle uso en máis ámbitos, inda que sexa de forma inconsciente. Con todo, se cadra hai quen prefire seguir a usar o seu rexistro oral que inclúe gheada e seseo, incompatibles aparentemente con este sistema, e decida rexeitalo con indiferencia. De todas formas o mellor para gañar popularidade sería expandirse a outras plataformas coma iOS —que non se trata dun sistema de código aberto coma Android, polo que a adaptación tal vez non sexa tan sinxela— ou afiliándose a Google, a gran plataforma detrás de Android, xa que a súa versión do teclado galego suporía un avance con respecto á deste, que é demasiado básica como para exercer unha diferenza significativa con calquera outro coma o castelán.
ResponderEliminar